Мамырдың 2-сі күні кітапханамыздың қызметкерлері мен «БОТА» жастардың интеллектуалдық орталығының мүшелері «По велению души и сердца» атты қайырымдылық акцияның аясында Қарағанды облысы Қарағанды қаласының №1 қарттар мен мүгедектерінің медициналық-әлеуметтік мекемесінің тұрғындары мен қызметкерлері үшін Ұлы Отан соғысындағы Жеңіс күніне арналған іс-шараны өткізді.
Іс-шараға қатысушылар шын жүректен қарттарды мамыр айының мерекелерімен құттықтап, оларға зор денсаулық, ұзақ өмір, жақсылық тілеп, бейбіт аспанымыз үшін алғыстарын білдірді.
«Ешкім де, ешқашан да ұмытылмайды» атты әдеби-музыкалық композицияға Ерғали Манап пен Ерасыл Мүскінов орындауындағы «Катюша», «Атамекен», «Сәйгүлік» әндері, М.Х.Фахрутдинова, Гәкку Жұмабекова, Әмірғазы Еламан, Ербұлан Хұмарбек және Аяулым Жұмабаева орындауындағы М.Мақатаев, Ф.Оңғарсынова, Э.Асадов - белгілі қазақ және кеңес авторларының өлеңдері енді.
Мерекелік бағдарлама ешкімді бей-жай қалдырмады. Іс-шараның соңында Давид Тухманов пен Владимир Харитоновтың «День Победы» әні сахнадан естіле бастаған кезде, залда отырғандардың барлығы оны бірге қосылып айтты.
Ардагерлердің мерекелік көңіл-күйлері шараға ерекше өң берді, жақсы әсер қалдырды. Қарттар мен мүгедектер үйінің қызметкерлері біздің кітапхананы алғыс хатпен марапаттады.
{gallery}2018/2_05{/gallery}