Наурыз айының 14 жұлдызында кітапхананың «Сирек кітаптар мен қолжазбалар және мұражай жәдігерлері» бөлімшесінде Қарағанды қаласының 85 жылдығына және Қарағанды көмірінің атасы - Аппақ Байжановтың 195 жылдығына арналған өлкетану сағаты өтті.
Аталмыш іс-шараға Қарағанды облыстық тарихи - өлкетану музейінің қызметкері Алдабаев Нұрболат Жақсыбайұлы арнайы қонақ ретінде шақырылды және А. Байтұрсынұлы атындағы №41 мектеп-гимназиясының,
«№ 10 ЖББОМ» КММ 9-10 сынып оқушылары қатысты.
Іс-шараға қатысушыларға музей қызметкері Алдабаев Нұрболат Жақсыбайұлы кеншілер қаласы атанған Қарағанды қаласының құрылу тарихын әңгімелеп берді. «Тас көмірді алғашқы тапқан - Аппақ Байжанұлы» кітап көрмесіне шолу жасалды, «Қарағанды қаласы», «Қайда, қайда Қарағандыда!» презентация, бейнеролик көрсетілді.
№41 мектеп –гимназиясының оқушылары Нұра ауданында туып өскен ақын Қабікен Мұқашевтың 1952 жылы шығарған «Аппақ туралы аңыз» атты поэмасын мәнерлеп оқыды.
Мәдени-шара соңында оқушылар туған өлкесіне «Өз қалаңды сүю-жақсы оқу, өз еліне пайдалы болу, өз Отанын, өз халқын сүю» дегенді білдіретін тілектер айтты.
https://uniorlib.kz/index.php/kz/2017-07-11-05-27-39/663-14-nauryz-2019#sigFreeIda0a71827a4