06.11.2024 жылы Қарағанды облысының мәдениет, архивтер және құжаттама басқармасының қолдауымен Ж. Бектұров атындағы облыстық жасөспірімдер кітапханасының ұйымдастыруымен қаламыздың 90 жылдығына арналған Қарағанды облысының жастары арасында «Сүйікті қалам - Қарағанды!» атты өлкетану фото-байқауы  жеңімпаздарын марапаттау рәсімі өтті.

Байқау 2 номинация бойынша: I номинация - «Үздік фото» (Қарағанды қаласының көрікті жерлерінің, архитектуралық ескерткіштердің, әдемі ғимараттардың суреттері) сипаттамасымен; II номинация - «Үздік фото-коллаж» (атақты жерлестеріміздің есімдері берілген қала көшелерін, тақырыбын ашатын, толық сипаттамасымен компьютерлік графикада коллаж жасау).

Байқауға Қарағанды облысының 15 пен 22 жас аралығындағы жастары қатысты. Әділқазылар алқасы: Қарағанды облыстық тарихи-өлкетану мұражайының суретші-безендірушісі - К.Х. Иманкулова; Қарағанды жоғары гуманитарлық колледжінің «Көркем еңбек» пәнінің оқытушысы - Т.К. Рахимбаева; «Этюд» фотосалонының фотографы - А.В. Кузин.

Жеңімпаздарға Қарағанды облысының мәдениет, архивтер және құжаттама басқармасының дипломдары және арнайы сыйлығы табысталды. 

«Сүйікті қалам – Қарағанды!» атты облыстық фото-байқауының қорытындысы бойынша «Үздік фото» номинациясы -  І дәрежелі Диплом  – Анита Феоктистова, ІІ дәрежелі Диплом - Елизавета Пономарева, ІІІ дәрежелі Диплом  - Алина Васютина. Ал Ынталандыру сыйлығына Руслана Рылеева және Жаннұр Сайлау ие болды.

 «Үздік фото-коллаж» номинациясы -  І дәрежелі Диплом  – Тоғжан Тұрбек, ІІ дәрежелі Диплом – Вероника Шаталова, ІІІ дәрежелі Диплом – Жасұлан Умаров. Сонымен қатар, Ынталандыру сыйлығымен Алтынай Марат және Айдана Кабдыманова марапатталды.

Қарағанды қаласы ардагерлер кеңесінің төрағасы Ғ.Ш. Тұяқов пен жазушы-журналист С.Ж. Жанысбай байқауға қатысқан және женімпаз жастарды құттықтап, ақ тілектерін білдірді. Қ.Байжанов атындағы Қарағанды концерттік бірлестігінің әншілері Гүлбану Серікова мен Ербол Алшынбаев Қарағанды қаласына арналған әсем әндерімен осы шараның сәнін келтірді.

Көрермен ретінде  академик Е.Бөкетов атындағы Қарағанды зерттеу университет студенттері және Қарағанды жоғары «БОЛАШАҚ» колледжі, Қарағанды жоғары медициналық интерколледжі, Қарағанды жоғары машина жасау колледжі студенттері қатысты.

Қарағанды облысының 90 жылдығына арналған шығармашылық байқауға қатысқан барлық жас таланттарға алғыс білдіреміз!