2023 ж. 15 тамызда Ж.Бектұров атындағы Қарағанды облыстық жасөспірімдер кітапханасының қызметкерлері Бұқаржырау аудандық ОКЖ қызметкерлерімен бірлесіп «Өлкетану: жастар үшін заманауи, тартымды формалар мен тәсілдер» атты семинар-практикум өткізді. Семинар Ботақара ауылының Мәдениет үйінде дайындалған бағдарлама бойынша өтті.

Ж.Бектұров атындағы Қарағанды облыстық жасөспірімдер кітапханасының қызметкерлері өлкетану жұмыстары бойынша тәжірибемен бөлісті. Жасөспірімдердің қатынастары және көпшілік жұмыс бөлімінің басшысы Картабаева Жанара Жумашевна «Тұлға» жобасының іске асуы жөнінде тоқталды. Жоба аясында «Жетістікке жеткендердің өміріндегі кітап және оқу» деген атпен Қарағанды облысыныц танымал адамдарымен онлайн кездесулер өтеді.

Жасөспірімдерге қызмет көрсету бөлімінің кітапханашысы Мухаева Дария Дүнгенбайқызы «DASTUR» клубының жұмысымен таныстырды. Клуб «Рухани жаңғыру» бағдарламасының аясында «Дәстүр мен ұрып» арнайы жобамен қазақтың салт-дәстүрлері мен әдет-ғұрыптарын кеңінен насихаттау мақсатында құрылған. «DASTUR» клубының Instagram желісінде @dastur_2020 жеке парақшасы бар, ол үнемі жаңа ақпараттармен толықтырылып отырады.

Семинар бағдарламасында Бұқаржырау аудандық ОКЖ кітапханашыларының баяндамалары болды. Аудандық орталық кітапхананың әдіскері Асқарова Майгүл Насырқызы қазақтың ақиық ақыны, көрнекті мемлекет қайраткері Бұқар жырау Қалқаманұлының туғанына 355 жыл толуына орай өткізіліп жатқан іс-шараларға тоқталды.

Ғ.Мұстафин ауылының модельді кітапханасының меңгерушісі Сүлейменова Гауһар Досымханқызы өлкетану бойынша үздік жобалар, іс-шаралар және кітап көрмелерімен таныстырды.

Шешенқара кентінің ауылдық модельді кітапханасының кітапханашысы Айтамбетова Айнагүл Маратқызы өлкетану бойынша «Собеседник» үйірмесінің жұмыстарымен бөлісті.

«Жастар мен жасөспірімдерді кітап оқуға тартуға көмектесетін мобилография» презентациясы қатысушылардың ерекше қызығушылығын тудырды. Мобилография – мобильді құрылғыларды құрал ретінде пайдаланатын фотоөнер жанры. Кәсіби фотосуреттер мен бейнелерді түсіруді, смартфон камерасы арқылы түсіруді, өңдеуді және әлеуметтік желілерге жүктеуді үйрену - бұл туралы Ж.Бектұров атындағы облыстық жасөспірімдер кітапханасының жасөспірімдердің қатынастары және көпшілік жұмыс бөлімінің қызметкері Жасарал Құлпынай Аханқызы семинар барысында баяндап берді. Фото және бейнероликтерді жасау кезінде мобилография дағдыларын пайдалану кітапханалар жұмысының креативтілігі мен жаңашылдығын көрсетеді.

Семинар барысында сындарлы тәжірибе алмасу болып, түрлі пікірлер айтылды, қатысушыларға өлкетану іс-шаралары бойынша нақты ұсыныстар берілді. 

Қарағанды облысының мәдениет, архивтер және құжаттама басқармасының

«Ж. Бектұров атындағы Қарағанды облыстық жасөспірімдер кітапханасы» КММ

Бұқар Жырау ауданы ОКЖ арналған көшпелі семинар-практикум

«Өлкетану: жастар үшін заманауи, тартымды формалар мен әдістер»

Өткізу күні мен уақыты: 2023 жылғы 15 тамыз сағ.10-00

Өтетін орны: Бұқар Жырау ауданының ОКЖ ОАК, Ботақара к.

Семинар бағдарламасы