6 қыркүйек күні Ж. Бектұров атындағы Қарағанды облыстық жасөспірімдер кітапханасына № 19 жалпы білім беретін мектептің 8, 9 сынып және С.Саттаров атындағы лицейдің оқушылары келді.

Экскурсия барысында балаларға кітапхананың тарихы, оның қызметі, оқырман болу жолы, құрылымдық бөлімшелердің жұмысы, сайттар, ақпараттық ресурстар және пайдаланушыларға көрсетілетін электрондық қызметтер, жұмыс істеп тұрған клубтар мен үйірмелер, өткізілетін іс-шаралар туралы ақпарат берілді.

Оқушылар түрлі тақырыптағы әдебиеттер көрмесімен, мерзімді және электронды басылымдармен, винил жазбалар жинағымен танысты.

Оқырмандар үшін Жайық Бектұровтың мұражай-кабинетіне экскурсия жасау дәстүрге айналған. Мұражай экспозициясы, жазушының жеке кітапханасының кітаптары, жинақтаушы папкалар, суреттер мен гравюралар оқушылардың үлкен қызығушылықтарын тудырды.

Экскурсия соңында оқушылар кітапхананың тұрақты оқырмандары боламыз деп өз ниеттерін білдірді.