Жасөспірімдерге қызмет көрсету бөлімінде «Ұлы даланың дана ойшылы» атты данышпан ақын, ойшыл, дана ғұламаларының бірі, қазақ әдебиетінің шоқтығы биік ірі тұлғасы Абай Құнанбайұлының 180 жылдық мерейтойына арналған кітап көрмесі ұйымдастырылды.

Көрме-панорамаға Абайдың өлең жинақтары, қара сөздері және шетел тілдерінде шыққан Абайдың шығармалары, кемеңгердің шығармаларына арналған ғалым, жазушылардың зерттеулері мен еңбектері мен мерзімді баспасөз беттеріне шыққан мақалалар қойылды.

ЖББ №48 мектептің 8 сынып оқушылары көрмедегі Абайдың өмірі мен көркем әдеби шығармаларымен танысып, қазақ ақыны Абай Құнанбайұлының шығармалары жайында мол мағлұматтар алды, ақынның өлеңдерін оқыды.