Наурызнама онкүндігі бойынша 20 наурыз «Ұлттық спорт» күні ретінде белгіленген. Ұлттық спорт түрлері мәдени мұраны сақтауға, жас ұрпақтың   ұлттық сана-сезімін күшейтуге ықпал етеді.

Балаларға қызмет көрсету бөлімінде «Ұлыстың ұлы күні - Наурыз мейрамы» атты көрме ұйымдастырылды.

Көрме «Дәстүр даналығы», «Мерекелік дастархан»,  «Қазақтың ұлттық ойындары»  бөлімдерінен тұрады. Оқырмандар назарына «Наурызнама», «Қазақ халқының дәстүрлері мен әдет–ғұрыптары», «Қазақ халқының салт-дәстүрлері»,  «Тағылымы терең ұлттық ойындар», «Алтыбақан», «Балалар ойындары»  және т.б. халқымыздың салт-дәстүрі, әдет-ғұрпы, ұлттық киімдері, ұлттық тағамдар, киіз үй, жеті қазына, қазақтың ұлттық спорт түрлері, дене тәрбиесі және ойындары, ұлттық ат спорты,  ұлттық күрес түрлеріне қатысты әдебиеттер ұсынылды.