Жасөспірімдерге қызмет көрсету бөлімінде Мемлекет және қоғам қайраткері, Қазақстанның халық жазушысы Әбіш Кекілбаевтың туғанына 85 жыл толуына орай «Кемеңгер кеңістігі» атты әдеби портрет өтті. Шараға Қарағанды технология және сервис колледжінің студенттері, ЖББ №48 мектеп және Қ.Нұржанов атындағы гимназия оқушылары  қатысты.

Шара барысында еліміздің рухани тыныс-тіршілігі мен әлеуметтік-саяси тарихында өшпес мұра қалдырған заманымыздың заңғар жазушысы, Қазақстанның Еңбек Ері Әбіш Кекілбаевтың өмірі мен шығармашылығы жайлы айтылды. Жазушының «Үркер», «Аңыздың ақыры», «Елең-алаң» тарихи шығармаларына кеңінен тоқталып өтті.

«Кемеңгер кеңістігі» атты кітап көрмесіне жазушының кітаптары мен ол туралы жазылған мерзімдік басылымдарға шыққан мақалаларға шолу жасалды.