Балаларға қызмет көрсету бөлімінде жазушы, ақын, қазақ әдебиетінің қалыптасуына зор үлесін қосқан Бейімбет Майлиннің туғанына 130 жыл толуына  орай «Халықтан туған талант» атты әдеби портрет өткізілді.

Іс-шараның–жас оқырмандарды Б.Майлиннің шығармашылығымен таныстыру, патриоттық тәрбие мен адамгершілікке баулу. Іс-шараға Қарағанды қаласының «№ 51 қосымша білім беретін мектеп орталығы»  жалпы білім беретін мектебінің 6 сынып оқушылары қатысты. Қатысушылар «Бейімбеттің биігі» атты бейнероликті тамашалап, «Шұғаның белгісі» повесі  бойынша викториналық сұрақтарға жауап берді.

Ақынның «Еліме», «Жастарға» «Күн шықты» өлеңдерін Алпысбай Асылжан, Мирас Фатима, Асланұлы Мирас жатқа айтты. Е.А.Бөкетов атындағы ҚЗУ филология факультетінің 2-курс студенті, «Qyr balasy» қоғамдық қорының Қарағанды аймақтық өкілдігінің жетекшісі Құдайберген Мағжан Әділетұлы оқушыларға ақынның өмір жолы туралы баяндады. Б.Майлиннің шығармалары балалардың тіл байлығын байытуда тәрбиелік мәні зор.