Ж.Бектұров атындағы облыстық жасөспірімдер кітапханасында ақын, қоғам қайраткері және қазақ поэзиясының жарық жұлдызы Фариза Оңғарсынованың 85 жылдығына орай «Поэзия падишасы» атты поэтикалық сағат өтті.

Мақсаты: Қазақ халқының біртуар қызы, ақын Фариза Оңғарсынованың өмірі мен шығармашылығымен таныстыру, өлеңдерін насихаттау, оқушыларды кітап оқуға тарту және поэзияға деген қызығушылығын арттыру.

Шара барысында қатысушыларға ақынның өмір жолы мен шығармашылығы таныстырылып, оның қазақ поэзиясындағы алар орны жайлы сөз қозғалды. Оның өлеңдері бүгінгі ұрпаққа өмір мен күрес, шынайылық пен тазалықтың мектебі ретінде қалды.     Ақынның «Анажан», «Өлең», «Поэзия» сынды туындыларын Ә.Молдағұлова атындағы мамандандырылған мектеп -интернатының оқушылары:  Ә.Дүйсенғалдин, Д.Аманқанов, З.Ахмет, Н.Бақытбеков  тебіреніспен оқыды.

Шара соңында кітап көрмесіне шолу жасалып, қазақ поэзиясының мұзбалағы атанған Мұқағали Мақатаевтың сөзіне жазылған Ә.Тінәлінің орындауындағы «Фариза қыз» әні тыңдалды.