12 желтоқсанда Ж.Бектұров атындағы Қарағанды облыстық жасөспірімдер кітапханасында еліміздің Тәуелсіздік күніне орай «Тәуелсіздік – тұғырым» атты интеллектуалды-танымдық ойыны өтті.

Шараға Қарағанды облыстық мейіргерлік жоғары колледжінің атынан «Тәуелсіз шипагерлер» тобы және Қарағанды жоғары политехникалық колледжінің атынан «Алаш» тобы қатысты.

Ойын барысында қатысушы командалар өнерлерін көрсете отырып,  өздерін таныстырды, Қазақстан тарихы, әдебиет, мәдениет және айтулы даталар бойынша сұрақтарға жауап берді.

Ойынның қорытындысы бойынша Қарағанды жоғары политехникалық колледжінің атынан қатысқан «Алаш» тобы жеңімпаз атанып, дипломмен марапатталды. Қарағанды облыстық мейіргерлік жоғары колледжінің «Тәуелсіз шипагерлер» тобы ойынға қатысқаны үшін сертификатпен марапатталды. Сонымен қатар екі топқа да естелік ретінде кітаптар сыйлық ретінде табысталды.

Іс-шараның негізгі мақсаты - жастардың патриоттық сезімін оятып, Тәуелсіздік күніне деген құрмет пен мақтаныш сезімін нығайту, тәуелсіздік жолындағы жетістіктер мен тарихты кеңінен насихаттау.