Жасөспірімдерге қызмет көрсету бөлімінде халқымыздың мақтан тұтар тұлғаларының өмірі мен ерлігін, қайраткерлігін дәріптеу мақсатында белгілі қоғам және мемлекет қайраткері Тұрар Рысқұловтың туғанына 130 жыл толуына орай «Алты Алаштың қайсар ұлы» атты кітап көрмесі ұйымдастырылды.

Тұрар Рысқұлов-туған халқын азаттық жолындағы күреске бастаған қазақ зиялыларының көш басында тұрған аса ірі саяси жетекшілердің бірі. Шара барысында Т.Рысқұловтың өмірі мен елімізге қосқан үлесі туралы мәліметтер берілді.

Кітап көрмесіне аса көрнекті қоғам және мемлекет қайраткері Т. Рысқұловтың өмірі мен қайраткерлік қызметі жайында О.Қоңыратбаев «Тұрар Рысқұлов», Б.Қойшыбаев «Тәуелсіздік тамырлары», В.Устинов «Турар Рыскулов», «Страницы трагических судеб» кітаптары және Қазақстанның халық жазушысы Шерхан Мұртазаның «Қызыл жебе», «Жұлдыз көпір», «Тамұқ» атты романдары мен мерзімді баспасөз беттеріне шыққан мақалалары оқырмандар назарына ұсынылды.

Шараға қатысқан Қарағанды жоғарғы политехникалық колледжінің 1 курс студенттері халқымыздың біртуар перзенті Тұрар Рысқұлов жайында терең мағлұматтар алды.