Жасөспірімдерге қызмет көрсету бөлімінде «Жанға дауа әуендер» жобасы аясында «Қазақ эстрадасының жұлдыздары» атты кітап көрмесі ұйымдастырылды. Мақсаты: оқырмандарға еліміздің талантты, жезтаңдай әншілерінің шығармашылығы туралы мағлұмат беріп, қазақтың музыкалық мұрасына деген қызығушылығын арттыру.

Көрмеге қазақ халқының сүйікті әншілері, эстрада жұлдыздарының мерейтой иелері: Қазақстанның еңбек сіңірген әртістері, ән әлемінің Ақбаяны атанған Мәдина Ералиева, күміс көмей әнші Бағдат Сәмединова және  Қазақстанның халық әртісі Нағима Есқалиева туралы өнер иелерінің өмірінен сыр шертетін  кітаптар мен мерзімді баспасөз беттеріне шыққан мақалалар қойылды.

Сондай-ақ, оқырмандарға мерейтой иелерінің өмірі мен өнер жолы туралы жазылған әдебиеттерге шолу жасалды. Шоқтығы биік әншілердің әуезді әдемі үні мен жүрекке жағымды орындалған әрбір  әндері тыңдарманның жүрегінен орын алары хақ.