Кітапханада «Жеке ресурс: әлеуметтену және өзара әрекеттесу» атты танымдық talk өтті. Жаттықтырушы: педагог-психолог Ирина Станиславна Бариева.

Әңгіме барысында қатысушылар – машина жасау колледжінің студенттері – жеке ресурстардың (психологиялық, кәсіби, физикалық) дамуы, ішкі (сенімдер, дағдылар, құндылықтар) және сыртқы тіректердің (адамдар, материалдық ресурстар, қызмет, әлеуметтік байланыстар) маңызы, жастардың өзін-өзі реттеу тәсілдері мен эмоционалды тұрақтылығы туралы ақпарат алды.

Интерактивті кездесу аясында психологиялық ресурстармен жұмыс, табысқа жету жолындағы қадамдар, зейін жаттығулары және өмірлік жағдайларды талдаудан тұратын практикалық тренинг өтті. Сондай-ақ қатысушыларға өз ресурстарын бағалау және ризашылық білдіретін үш нәрсені жазу ұсынылды. 

Іс-шараға «Жеке ресурс: әлеуметтену және өзара әрекеттесу» атты кітап көрмесі дайындалып, онда психология мен тұлғалық даму бойынша әдебиеттер ұсынылды.