2018 жылдың 3 мамыр күні «БОТА» жастардың интеллектуалды орталығындағы «Қазына» әдеби салонында Халық қаһармандары, Ұлы Отан Соғысының ардагерлері Қасым Қайсенов және жазушы, ғалым, аудармашы Ислам Жарылғаповқа 100 жыл толуына орай ұйымдастырылған «Ерлігімен де, елдігімен де...» атты дөңгелек үстел өтті.
Кеш барысында жастарымызға батырларымыздың өмірі мен ерлік жолы баяндалынып, Халық қаһармандарына арналған кітап көрмесімен таныстырылып, шолу жасалды. «БОТА» жастардың интеллектуалды орталығының мүшелері өздерінің авторлық өлеңдерін және Мұқағали Мақатаев, Фариза Оңғарсынова, Мұхтар Шаханов т.б. ақындарымыздың шығармашылықтарынан патриоттық өлеңдер оқыды. Кеш соңы Жұбан Молдағалиевтың «Мен қазақпын» өлеңімен қорытындыланды.
{gallery}2018/3_05{/gallery}