6 тамызда «Оқырман Қарағанды» акциясы аясында қаланың орталық саябағында Ашық аспан астындағы оқу залы  өткізілді.

Абай күні қарсаңында ұлы ойшыл, ақын, әдебиет реформаторы, қазақ әдебиетінің негізін қалаушы, композитор, ағартушы Абай Құнанбаевтың 180 жылдығына арналған «Ұлы даланың дана ойшылы» кітап көрмесі ұйымдастырылды. Әдеби алаңда  саябаққа келушілердің орындауында  Абайдың өлеңдері мен әндері шырқалды. Сонымен қатар, «Абай Құнанбаев (1845–1904)» атты  ақпараттық парақшалар таратылды.