26 тамыз күні ақпараттық-библиографиялық бөлімнің қызметкері кітапхана оқырмандарына Қазақстан Республикасы Конституциясының 30 жылдығына арналған «Ата Заңым – ардағым!» атты Ақпарат күнін өткізді.

Іс-шара жастардың құқықтық сауаттылығын арттыруға және конституциялық құндылықтарды насихаттауға бағытталды.

Кітапханашы оқырмандарға еліміздің басты заңы жайында баяндайтын кітаптарды таныстырып, қолданыстағы Конституцияның негізгі баптарын оқып берді. Сондай-ақ, Қазақстан Республикасы Конституциясы – тәуелсіздік пен бостандықтың, бірлік пен тұрақтылықтың символы, ең алдымен халықтың еркін бейнелейтін мемлекеттік құжат екені ерекше атап өтілді.

Шара барысында Конституцияның 12-бабына – адам құқықтары мен бостандықтарын бекітетін маңызды тармаққа байланысты қызу әрі мазмұнды талқылау өтті.

Сонымен қатар, қатысушылар Конституция әзірлеушілерінің бірі, бұрынғы әділет министрі және Заңнама институтын құрудың бастамашысы Н.А. Шайкеновтің конституциялық қызметіне арналған «Конституция тарихы тұлғаларда» атты бейнефильмді қызығушылықпен тамашалады.