27 тамыз сағат 11-00 де Ж.Бектұров атындағы Қарағанды облыстық жасөспірімдер кітапханасында Қазақстан Республикасы Конституциясының 30 жылдығына арналған «Конституция – мәңгілік елдің тұғыры» атты көшбасшылық дәріс іс-шарасы өтті.

Мақсаты – Конституцияның мәні мен маңызын түсіндіру, азаматтық жауапкершілікті арттыру, құқықтық мәдениетті қалыптастыру және жас буынға ел басқарудағы көшбасшылық ұстанымдарын дәріптеу. Іс-шараға заң ғылымдарының магистрі, «Bolashaq» академиясының аға оқытушысы @kafedra_pfd Ақнұр Тілеуқабылқызы Жақып-Жан, Қарағанды медицина университеті «Қазақстан тарихы және әлеуметтік – саяси пәндер» кафедрасының ассистент профессоры, «Күретамыр» тарихи-өлкетану үйірмесінің жетекшісі @kuretamyr21 Камшат Жақсылыққызы Абдрахманова қатысып, ҚР Конституциясының қабылдану тарихы мен негізгі қағидаларына тоқталып, жастарға құқықтық сауаттылықты арттыру бағытында  кеңестер берді. Қарағанды қаласының ардагерлерлері: Төлеужан Ахметбекұлы Ахметбеков және Валентина Ивановна  Кочетова мерекелік құттықтау тілектерін білдірді,  «Туған жер», «Мен қазақтың баласы» әндері шырқалды. Шараға Қазақстан Республикасы Ұлттық ұланы «Орталық» өңірлік қолбасшылығының 6505 әскери бөлімінің сарбаздары @ulttyq_ulan_6505 қатысты.