Жасөспірімдерге қызмет көрсету бөлімінде Кеншілердің кәсіби мерекесіне орай «Мамандыққа адалдық» өлкетану экспозициясы өтті.

Көрменің мақсаты – кеншілер мамандығының маңыздылығын насихаттау, кен өндіру саласында еңбек етіп жүрген азаматтарға құрмет көрсету, сондай-ақ жастарды еңбекқорлыққа баулу.

Кеншілер күні алғаш рет мереке болып 1948 жылы 29 тамызда тойланған болатын. Бұл мереке кейін Қазақстан Республикасының кәсіби мерекелер тізіміне 2003 жылы қарашада енді.

Кітап көрмесіне көмір және пайдалы қазбаларды өндіру, кен өндіру саласының тарихы мен қазіргі дамуы,  кеншілер туралы кітаптар, энциклопедиялар қойылды.

Шараға кітапхана оқырмандары мен ҚР Ұлттық Ұланының  6505 әскери бөлімінің @ulttyq_ulan_6505 сарбаздары  қатысып, кеншілердің ерен еңбегі туралы кеңінен ақпарат алды.