Қазақстандағы Отбасы күніне орай балаларға қызмет көрсету бөлімінде «Әке, ана және мен — бірге тату отбасымыз» атты көңілді старт эстафеталық ойындары өткізілді.

Іс-шараның мақсаты: отбасына деген оң көзқарасты қалыптастыру, салауатты әрі белсенді өмір салтын қолдау, отбасылық құндылықтар мен дәстүрлерді нығайту, сондай-ақ командалық рухты дамыту.

Көңілді старттарға Жексенбай, Сонниковтар отбасылық командалары және «Карамелька» дамыту орталығының кішкентай оқырмандары қатысты. Олар «Пазл жинау», «Құрсауды кім көп айналдырады», «Допты келесі досыңа  бер» ойындарында және басқа да шығармашылық тапсырмаларда бақ сынасты. Қатысушылар түрлі-түсті қағаздан жасалған әдемі түймедағы гүлінде Отбасы күніне арналған ізгі тілектерін жазды.

Іс-шара жылы да достық атмосферада өтті, барлығы белсенділік танытып, ұйымшылдық пен тамаша көңіл күй көрсетті. Көңілді старттар ортақ отбасылық демалыстың пайдалы, қызықты әрі біріктіруші болатын жарқын үлгісіне айналды.