Жасөспірімдерге қызмет көрсету бөлімінің қызметкерлері Президенттің 2025 жылғы 8 қыркүйектегі «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауы аясында «Болашақ экологиясы: экологиялық су мәселелері» атты Н. Әбдіров атындағы мектептің 7-сынып оқушыларымен кездесу өткізді.

Шараның спикері Қарағанды облыстық экологиялық музейінің экологы Жұманова Дарина Данияровна кездесу барысында Қазақстанның су ресурстарының ағымдағы мәселелері, оларды шешудің мүмкін жолдары, сондай-ақ суды үнемдеудің маңыздылығы жайында ақпарат берді. Іс-шара аясында қоршаған ортаны, су ресурстарын қорғау туралы бейне-презентация көрсетіліп, кітаптарға шолу жасалды. Кездесу соңында оқушылар Президент Жолдауында белгіленген бастамаларды қолдауға дайын екендіктерін білдірді.